ABŞ-nin Venesuela Prezidenti Nikolas Maduronu hədəf alan əməliyyatından sonra artan geosiyasi risklər və FED-in faiz endirimi gözləntiləri qızıl qiymətlərinə dəstək verib. Yeni həftəyə yüksəlişlə başlayan qızılın unsiyası 4 421 dollara qədər bahalaşıb.

Far.Az xəbər verir ki, ötən həftəni 4 332 dollarla tamamlayan qızılın unsiyası ilk əməliyyatlarda təxminən 1,8% artım göstərib.

Analitiklər bildirir ki, Venesuela ətrafında yaranan siyasi gərginlik "təhlükəsiz liman"a tələbi artırıb. Bununla yanaşı, faiz endirimi gözləntiləri, mərkəzi bankların alımları və ETF-lərə vəsait axını qızılın yüksəliş trendini gücləndirir.

Qiymətli metallar bazarında artım yalnız qızılla məhdudlaşmayıb: gümüş, platin və paladyumda da əhəmiyyətli yüksəliş qeydə alınıb. Piyasalar bu həftə açıqlanacaq ABŞ məşğulluq göstəricilərini və FED rəsmilərinin mesajlarını yaxından izləyir.

Oxşar xəbərlər

Ət əvəzinə hamı balıq alır - Bazarda SON QİYMƏTLƏR

Ekspert: "Qızılın bir unsiyası 3 600 dollara qədər bahalaşa bilər"

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

KİV: Maduro edam cəzasının qüvvədə olduğu ştata aparılıb