Avstraliyanın ən nüfuzlu ədəbi tədbirlərindən biri olan Adelaide Yazıçılar Həftəsi fələstinəsilli avstraliyalı akademik və yazıçı Randa Abdel-Fattahın proqramdan çıxarılmasından sonra geniş boykotla üzləşib.

Aralarında Miles Franklin mükafatlı yazıçıların və beynəlxalq tanınmış simaların da olduğu onlarla müəllif qərara etiraz edərək festivaldan çəkildiyini açıqlayıb.

Far.Az xəbər verir ki, festival rəhbərliyi yazıçının proqramdan çıxarılmasını 2025-ci ilin dekabrında Bondi Beach-də baş verən terror hadisəsindən sonra yaranan "ictimai həssaslıqlar"la əsaslandırıb. Lakin Abdel-Fattahın hadisə ilə əlaqəsinin olmadığı da qeyd olunub.

Macquarie Universitetinin akademiki olan Abdel-Fattah qərarı "utancverici irqçilik və senzura" adlandıraraq, bunun fələstinli kimliyinə görə verildiyini bildirib.

Qərardan sonra Zadie Smith, Yanis Varoufakis, Helen Garner və digər tanınmış yazıçılar festivalı boykot edib. Festivalın əsas sponsorlarından biri olan Australia Institute də 2026-cı il üçün dəstəyini geri çəkdiyini açıqlayıb.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Bakı Kitab Mərkəzində "Zəfər sevinci" adlı musiqili-ədəbi gecə keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

SOCAR-da "Ümumdünya Keyfiyyət Həftəsi 2025" ilə bağlı tədbir keçirilib

İlham Əliyev Qarabağ Universitetinin Klinikası binasının açılışında iştirak edib