Taylandda bir ata övladı üçün süd almaq məqsədilə qonşusunun evinə oğurluq məqsədilə girib.

BAKU.WS xəbər verir ki, bu barədə "The Thaiger" nəşri məlumat yayıb.

Hadisə yanvarın 13-də Çonburi vilayətinin Banqlamunq rayonunda baş verib.

51 yaşlı yerli sakin polisə müraciət edərək evinə naməlum şəxsin daxil olduğunu və bir sıra əşyaların oğurlandığını bildirib. Oğurlananlar arasında elektrik kabeli, beton üçün qazma, üç ədəd mini-qazma, soyuducunun kompressoru və ehtiyat elektrik kabeli rulonu olub.

Şənbə günü, yanvarın 17-də müşahidə kameralarının görüntüləri araşdırıldıqdan sonra hüquq-mühafizə orqanları şübhəlini saxlayıblar. Məlum olub ki, o, zərərçəkənin 36 yaşlı qonşusudur. Saxlanılan şəxs əməlini etiraf edərək, əldə etmək istədiyi pulun uşağı üçün süd almağa lazım olduğunu deyib.

Kişiyə mənzilə qanunsuz daxil olmaqla oğurluq etmə, eləcə də birinci kateqoriyaya aid narkotik vasitələrin saxlanılması və istifadəsi ilə bağlı ittihamlar irəli sürülüb. Belə ki, saxlanılma zamanı onun evində narkotik qəbul edən tanışı və müvafiq ləvazimatlar aşkarlanıb.

Hər iki şübhəli şəxs istintaqın davam etdirilməsi üçün polis bölməsinə aparılıb.

Qalereya

Oxşar xəbərlər

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib

FHN-in Dövlət Yanğından Mühafizə Xidməti növbəti "açıq qapı günü" tədbirləri keçirib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Bu azərbaycanlı məşhurların övladı birinci sinifə gedir