Bosniya və Herseqovinada ümumi seçkilərdə səsvermə başa çatıb.

"Far.Az" xəbər verir ki, seçki məntəqələri yerli vaxtla saat 19:00-da (Bakı vaxtı ilə 21:00-da) bağlanıb.

Mərkəzi Seçki Komissiyasının məlumatına görə, məntəqələrin bağlanmasına iki saat qalmış qeydiyyata alınmış 3,4 milyondan çox seçicidən təxminən 1 milyon 97 min nəfəri səs verib. Seçici fəallığı 32,20 % təşkil edib, bununla belə Serb Respublikasında (Bosniya və Herseqovinanın iki özünüidarəetmə qurumundan biri) bu rəqəm 37,28 %-ə çatıb.

Səsvermənin nəticələrinə əsasən, Bosniya və Herseqovina Rəyasət Heyətinin, ölkənin Nümayəndələr Palatasının (parlamentin aşağı palatasının) və onun iki özünüidarəetmə qurumunun qanunverici orqanlarının yeni tərkibi müəyyənləşəcək. Müxtəlif səviyyəli hakimiyyət orqanlarında yerlər uğrunda 75 siyasi partiya, 29 koalisiya və 4 müstəqil namizəd arasında mübarizə gedib.

Serb Respublikasının prezidenti seçkilərində əsas rəqiblər hökumətin fəaliyyətdə olan başçısı, Milorad Dodikin hakim Müstəqil Sosial-Demokratlar İttifaqı tərəfindən irəli sürülmüş Savo Miniç və müxalifətçi Serb Demokratik Partiyasının namizədi Branko Blanuşa olub.

Oxşar xəbərlər

AMEA-nın Rəyasət Heyətinin "gərgin" iclası

Milli Məclisə seçkilərdə lider namizədlərin adları açıqlanıb - YENİLƏNİB

Güllüdüz kəndinin tarixi və əhali tərkibi ilə bağlı məlumatlar açıqlanıb

VII çağırış Milli Məclisin deputatları - SİYAHI

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3