Ağdam təmsilçisi "Qarabağ" UEFA Çempionlar Liqasının liqa mərhələsini adlayaraq ilk 24-lükdə yer alsa, bu, təkcə idman uğuru deyil, həm də klub tarixində ən böyük maliyyə qazancından biri olacaq.

Far.Az-in məlumatına görə, UEFA-nın 2025/26 mövsümü üçün açıqladığı mükafat sistemində ən nüfuzlu klub turnirində mərhələ adlamaq milyonlarla avro deməkdir.

Yeni genişləndirilmiş formatda keçirilən ikinci mövsümdə ümumi mükafat fondu 2,467 milyard avroya çatdırılıb ki, bu da ötən mövsümlə müqayisədə daha yüksəkdir.

Çempionlar Liqasının liqa mərhələsində iştirak edən 36 klubun hər biri UEFA-dan 18,62 milyon avro zəmanətli ödəniş alır. Yəni "Qarabağ" liqa mərhələsinə çıxmaqla artıq təxminən 19 milyon avro gəliri təmin edib. Bu məbləğ klubun illik büdcəsi üçün ciddi maliyyə dayaq nöqtəsi sayılır.

Əsas qazanc məhz mərhələ adlamaqla gəlir

Əsl böyük qazanc isə ilk 24-lüyə düşüb növbəti mərhələyə yüksəlməkdir. UEFA-nın qaydalarına əsasən, liqa mərhələsini uğurla başa vuraraq 1/8 finala (round of 16) vəsiqə qazanan klublar əlavə təxminən 11 milyon avro bonus əldə edir. "Qarabağ" üçün bu rəqəm həm heyətin gücləndirilməsi, həm də uzunmüddətli inkişaf baxımından strateji əhəmiyyət daşıyır.

2025/26 mövsümündə mükafat pulu üç əsas istiqamət üzrə bölüşdürülür:

Bərabər paylar (27,5%) - 36 klub arasında bölüşdürülən 679,2 milyon avro

Nəticələrə əsaslanan ödənişlər (37,5%) - qələbə, heç-heçə və mərhələ adlamalara görə 926,3 milyon avro

Dəyər sütunu (35%) - klubun UEFA reytinqi və televiziya bazarındakı çəkisinə görə 864,5 milyon avro.

Qeyd edək ki, turnirdə hər qələbə, hər xal və hər mərhələ yalnız turnir cədvəli deyil, klubun gələcəyi üçün də həlledici əhəmiyyət daşıyır.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4