Rusiyanın paytaxtı Moskvaya güclü qar yaxınlaşır. Yaxın iki gün ərzində paytaxtda qar örtüyünün hündürlüyü 50 santimetrə qədər arta bilər.

BAKU.WS xəbər verir ki, bu barədə "Fobos" Hava Mərkəzinin aparıcı mütəxəssisi Yevgeni Tişkovets məlumat verib.

Sinoptikin sözlərinə görə, şəhərdə şaxtalar zəifləməyə başladıqca yağıntılar daha da intensivləşəcək. Anomal güclü qar yağışlarının artıq çərşənbə axşamı, 27 yanvar tarixində başlaya biləcəyi bildirilir. Proqnozlara əsasən, qar örtüyü ən azı 10 santimetr artacaq.

"Təpəlik Orta Rusiya bölgəsini isti atmosfer cəbhəsinin çoxqatlı bulud sistemi əhatə edəcək. Bu proses iri, yumşaq qar dənələri ilə müşayiət olunacaq. Yağıntıların miqdarı 22 millimetrədək çatacaq, görünüş məsafəsi isə 1-4 kilometrə qədər azalacaq. Ağ pərdə üfüqü tam örtərək göy ilə yer arasındakı sərhədi demək olar ki, yox edəcək", – deyə Tişkovets xəbərdarlıq edib.

Onunsözlərinə görə, qar yağışlarının pik həddi çərşənbə günü, 28 yanvar tarixində gözlənilir. Ümumilikdə 48 saat ərzində Moskvada 31 millimetr yağıntı düşəcək. "Hazırda VDNX meteoroloji stansiyasında qar örtüyü 30 santimetr olaraq qeydə alınırsa, yaxın vaxtlarda bu göstərici 50 santimetrə çata bilər", – deyə meteoroloq bildirib.

Qeyd edək ki, bundan əvvəl "Fobos" Mərkəzinin digər mütəxəssisi Mixail Leus 26 yanvara keçən gecənin Moskvada bu qışın ən soyuq gecəsi olduğunu açıqlayıb. Belə ki, VDNX meteoroloji stansiyasında hava temperaturu -18,5 dərəcə qeydə alınıb ki, bu da cəmi iki gün əvvəl müəyyən edilən əvvəlki rekordu 1,1 dərəcə üstələyib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Xınalıq və Qrızda 10 santimetrə qədər qar yağıb - 3 dərəcə ŞAXTA VAR