Ferran Torres uzun fasilədən sonra "Barselona"nın sıralarına dönüb.

"Far.Az" xəbər verir ki, bu barədə Kataloniya klubunun mətbuat xidməti məlumat yayıb.

Baş məşqçi Hans-Diter Flik bu gün UEFA Çempionlar Liqasının VIII turu çərçivəsində "Kopenhagen"lə (Danimarka) matç üçün heyəti açıqlayıb. Sağ ayağındakı əzələ zədəsini sağaldan ispaniyalı forvard da "Kamp Nou"da baş tutacaq oyunun iştirak ərizəsinə salınıb.

Buna baxmayaraq "Barselona"da itkilərin hələ də mövcud olduğu bildirilib. Zədəli Pedri, Qavi və Kristensenlə yanaşı, sarı vərəqə limitini dolduraraq cəzalı duruma düşən Frenki de Yonq da matçı buraxmalı olacaq.

Joau Kanselo isə turnir üçün sifariş edilməyib.

Qeyd edək ki, F.Torres ötən ay məşq zamanı əzələsindən zədə almışdı. "Barselona" - "Kopenhagen" matçı Bakı vaxtı ilə saat 00:00-da start götürəcək.

Oxşar xəbərlər

Bakıda Azərbaycan Könüllülərinin VIII Həmrəylik Forumu keçirildi

Ucuz qiymətə qızıl almaq istəyənləri SEVİNDİRƏCƏK XƏBƏR

Bankda olan mənzillər təcili satışa çıxarıldı - QİYMƏTLƏR

Torpaq almaq istəyənlər üçün YENİ XƏBƏR - Siyahı açıqlandı

Ucuz qiymətə avtomobil almaq istəyənlərin NƏZƏRİNƏ - 1300 AZN-dən başlayır