"Özbəkneftqaz" şirkətinin İdarə Heyətinin sədri Abduqani Sanginov SOCAR-ın törəmə şirkətləri - "SOCAR Trading" və "SOCAR Downstream Management" rəhbərliyi ilə görüşüb.

Far.Az xəbər verir ki, bu barədə "Özbəkneftqaz" SC-nin mətbuat xidməti məlumat yayıb.

Görüş zamanı tərəflər qeyd ediblər ki, Özbəkistan və Azərbaycan arasında strateji tərəfdaşlıq iki ölkənin prezidentləri Şavkat Mirziyoyev və İlham Əliyev tərəfindən dəstəklənir və son illərdə ardıcıl şəkildə inkişaf edir. Vurğulanıb ki, yüksəksəviyyəli siyasi dialoq neft-qaz sektorunda əməkdaşlığın daha da genişləndirilməsi üçün möhkəm zəmin yaradır.

SOCAR nümayəndələri Buxara Neft Emalı Zavodunun səmərəliliyinin artırılması istiqamətində "Özbəkneftqaz" ilə əməkdaşlığın inkişafında maraqlı olduqlarını bildiriblər. Görüş zamanı müasir əməliyyat texnologiyalarının tətbiqi, istehsal proseslərinin rəqəmsallaşdırılması və enerji səmərəliliyinin artırılması üzrə təkliflər təqdim olunub.

Danışıqların yekununda tərəflər praktiki əməkdaşlığın davam etdirilməsi barədə razılığa gəliblər. Həmçinin Azərbaycan tərəfdən müəssisəyə texniki auditin aparılması və növbəti addımlar üzrə konkret təkliflərin hazırlanması məqsədilə işçi qrupunun səfərinin təşkili barədə razılıq əldə edilib.

Qalereya

Oxşar xəbərlər

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər

Prezident İlham Əliyev "AZWOOL" mineral daş yunu zavodunun açılışında iştirak edib

Prezident İlham Əliyev Sumqayıt Sənaye Parkında güzgü vərəqələrin istehsalı zavodunun açılışında iştirak edib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

İlham Əliyev Xocavənd şəhər və Xocavənd kənd sakinləri ilə görüşüb