"LuxAz" Lüksemburq Azərbaycan Dostluq Assosiasiyası "Place Emile-Hamilius" meydanında və iş mərkəzlərində Xocalı soyqırımının 34-cü ildönümü ilə bağlı genişmiqyaslı maarifləndirmə aksiyası həyata keçirilib.

"Report"un Avropa bürosu xəbər verir ki, Diasporla İş üzrə Dövlət Komitəsinin dəstəyi ilə baş tutan kampaniya birbaşa yerli ictimaiyyətə hədəflənib.

Kampaniyanın ən diqqətçəkən hissəsi, "Justice for Khojaly" (Xocalıya ədalət) məlumat çarxlarının Lüksemburq şəhərində yerləşən 97 strateji ofis binasının rəqəmsal ekranlarında yayımlanmağı olub.

Gün ərzində davam edən bu vizual təbliğat paytaxtın işgüzar dairələrini və geniş auditoriyanı əhatə edərək faciə barədə beynəlxalq məlumatlılığı artırıb.

Eyni zamanda, şəhərin Place Émile-Hamilius meydanında sakinlərə faciənin tarixi faktlarını, rəqəmləri və beynəlxalq hüquqi aspektlərini əks etdirən vərəqələr paylanılıb. Yerli vətəndaşlara 1992-ci ilin 26 fevralında baş vermiş insanlıq əleyhinə cinayət barədə ətraflı məlumat verilib.

Oxşar xəbərlər

Prezident İlham Əliyev Xocalı Soyqırımı Memorialının açılışında iştirak edib - YENİLƏNİB-4

Nyu-Yorkun "Times" meydanında Zəfər Günü ilə bağlı məlumatlandırma aksiyası keçirilir

Heydər Əliyev Fondunun dəstəyi ilə alınan musiqi alətlərinin təqdimatı olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Vətən müharibəsində Qələbənin beşinci ildönümünə həsr olunmuş Hərbi parad keçirilib