Pentaqon Yaxın Şərqə üçüncü aviadaşıyıcı zərbə qrupu və dəniz piyadaları olan əlavə gəmilər göndərəcək, bununla da regiondakı ABŞ hərbçilərinin sayı daha 9-10 min nəfər artacaq.

"Report" "The Wall Street Journal"a (WSJ) istinadən xəbər verir ki, bu barədə amerikalı məmurlar bildirib.

Əlavə gəmilərin, qırıcıların, dəniz piyadalarının və dənizçilərin noyabrın sonuna qədər regiona gəlməsi gözlənilir.

Qəzetin məlumatına görə, ABŞ Prezidenti Donald Tramp aralıq seçkilərindən sonra İrana qarşı zərbələrin yenidən başladılması imkanını nəzərdən keçirir. O, bu yaxınlarda köməkçilərinə noyabr ayında bombardmanları bərpa edəcəyini bildirib

"Theodore Roosevelt" aviadaşıyıcısı planlaşdırılmış yerləşdirmə çərçivəsində sentyabrın 27-də San-Diyeqodan yola düşüb. Ertəsi gün tərkibində 13-cü Ekspedisiya Bölməsinin dəniz piyadalarının olduğu üç gəmidən ibarət "Makin Island" amfibiya qrupu da dənizə çıxıb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3