Ölkə ərazisində davam edən güclü külək qərb regionunda, eləcə də Goranboyda bəzi ərazilərdə elektrik enerjisinin verilişində məhdudiyyət yaradıb.

Bu barədə BAKU.WS-ə "Azərişıq" ASC-dən məlumat verilib.

Bildirilib ki, buna səbəb güclü küləyin təsiri ilə irigövdəli ağacların qırılaraq elektrik xətlərinin üzərinə aşması və nəticədə qəzaların yaranması olub. Küləyin şiddəti, eləcə də aşan ağacların ərazidən təmizlənməsi "Azərişıq" əməkdaşlarına əlavə problem yaradıb.

Məlumatda qeyd olunub ki, çətinliklərə baxmayaraq əməkdaşlar qəzanı aradan qaldırmaq üçün işlərini davam etdirirlər:

"Artıq bir çox yaşayış məntəqələrində enerjinin verilişi təmin olunub. Qısa zaman ərzində digər ərazilərdə də elektrik enerjisi bərpa ediləcək".

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Efiopiyanın Baş naziri "ASAN xidmət"də olub

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda "Xızı-Abşeron" Külək Elektrik Stansiyasının rəsmi açılış mərasimi keçirilib