Naxçıvanda özəl sektorun inkişafına yönəlmiş dəstəkləyici tədbirlər müzakirə olunub
Biznes mühiti və beynəlxalq reytinqlər üzrə Komissiyanın İqtisadiyyat Nazirliyinin rəhbərlik etdiyi “Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı üzrə” əlaqələndirmə qrupunun onlayn formatda iclası keçirilib.
"Report" bu barədə İqtisadiyyat Nazirliyinə istinadən xəbər verir.
Tədbirdə Azərbaycan Prezidentinin Administrasiyasının, Naxçıvan Muxtar Respublikasının Nazirlər Kabinetinin, İqtisadiyyat, Energetika, Rəqəmsal İnkişaf və Nəqliyyat, Kənd Təsərrüfatı nazirliklərinin, Mərkəzi Bankın, Dövlət Gömrük Komitəsinin, Dövlət Turizm Agentliyinin, İqtisadi İslahatların Təhlili və Kommunikasiya Mərkəzinin nümayəndələri iştirak ediblər.
İclasda əlaqələndirmə qrupunun 2024-cü il üzrə Yol Xəritəsinə uyğun olaraq Dövlət Proqramının icrası çərçivəsində aidiyyəti dövlət qurumları tərəfindən hazırlanmış və Komissiyanın müvafiq işçi qruplarında özəl sektorla müzakirəyə çıxarılması nəzərdə tutulan müvafiq sənəd layihələri barədə təqdimatlar edilib. Bildirilib ki, yeni layihələrin Komissiyanın aidiyyəti işçi qruplarının iclaslarında da müzakirəyə çıxarılması, praktik təcrübələrə əsaslanaraq özəl sektor, konsaltinq şirkətləri və biznes assosiasiyaları tərəfindən Komissiyanın rəqəmsal platforması vasitəsilə bu təklif və layihələrə özəl sektorun inkişafına yönəlmiş dəstəkləyici tövsiyələrin təqdim olunması müvafiq Tədbirlər Planının daha effektiv və keyfiyyətli icrasına töhfə verə bilər.
Tədbirdə həmçinin, “Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı” üzrə monitorinq və qiymətləndirmə nəticələri barədə məlumat verilib.
Oxşar xəbərlər
Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI
Biznes Mühiti və Beynəlxalq Reytinqlər üzrə Komissiyanın işçi qrupunun geniş tərkibdə iclası keçirilib
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2
Azərbaycanda torpaqların bir kateqoriyadan digərinə keçirilməsi qaydaları təsdiqlənib
Ən son xəbərləri bizim
"Facebook" səhifəmizdə izləyin
Digər xəbərlər
-
"Bitcoin" və "Ethereum" kəskin ucuzlaşıb
-
ABŞ-də ölkə üzrə aviareyslərin dayanmasının detalları məlum olub
-
Bəhrəmtəpə hidroqovşağında təmirə görə İmişlidə suarma kanallarına suyun verilməsi dayandırılacaq
-
İstanbul hava limanında sərnişinin baqajından 12,8 kq narkotik aşkarlanıb
-
"SpaceX" ilk dəfə orbital uçuşdan sonra "Starship" gəmisini uğurla tutub
-
Ağstafada sursat partlayışı nəticəsində xəsarət alan şəxsin durumu açıqlanıb













