Bakı şəhəri, Nizami rayonunda yerləşən "Qızıl Qaya" restoranında zəhərlənmə şübhəsi ilə bağlı Qida Təhlükəsizliyi Agentliyi (AQTA) tərəfindən aparılan araşdırmalar yekunlaşıb.

Far.Az xəbər verir ki, bu barədə AQTA məlumat yayıb.

Bildirilib ki, agentliyin əməkdaşları tərəfindən müəssisədə keçirilən plandankənar yoxlama zamanı ümumi sanitar-gigiyenik vəziyyətin qənaətbəxş olmadığı, qida məhsullarının emalı və saxlanılması prosesində bir sıra nöqsanlara, o cümlədən çarpaz çirklənmə risklərinə yol verildiyi müəyyən edilib.

Laborator müayinələr zamanı çiy mal ətində, marinad edilmiş toyuq lüləsində və toyuq kababında listeria (listeria monocytogenes), paytaxt salatında isə e.koli (escherichia coli) bakteriyaları aşkarlanıb.

Aşkarlanmış uyğunsuzluqlarla bağlı qanunvericiliyə müvafiq tədbirlər görülüb.

Qalereya

Oxşar xəbərlər

Prezident İlham Əliyev Qaradağ rayonunda kağız və gigiyenik məhsulların istehsalı müəssisəsinin açılışında iştirak edib

Azərbaycan məktəblərində 263 müəssisədə sanitar pozuntu aşkarlanıb

"Qızıl Qaya"da zəhərlənmə şübhəsi - AQTA araşdırmalara başladı

Ev şəraitində baş verən zəhərlənmə və 162 şübhəli müraciət: Yayda nədən uzaq durmalıyıq?

Aqşin Fatehin restoranında saxta alkoqollu içkilər aşkarlandı