Amerikalı mütəxəssislər isti havalarda bəzi içkilərin sağlamlıq üçün risk yarada biləcəyini açıqlayıb.

Far.Az xarici mətbuata istinadən xəbər verir ki, qəhvə və şəkərli içkilərin həddindən artıq qəbulu orqanizmdə susuzlaşmanı sürətləndirə bilər.

Xüsusilə kofein yüngül sidikqovucu təsir göstərdiyi üçün bədəndən mayenin daha tez itirilməsinə səbəb olur. Bu isə yüksək temperatur şəraitində istilik vurması, huşun itməsi və qıcolma riskini artırır.

Mütəxəssislər bildirir ki, isti günlərdə alkoqollu içkilərdən, yüksək şəkər və natrium tərkibli məhsullardan - o cümlədən enerji içkiləri və bəzi idman içkilərindən - mümkün qədər uzaq durmaq lazımdır. Alkoqol susuzlaşmanı daha da gücləndirir, şəkərli və duzlu içkilər isə bədəndə artıq maddələrin xaric edilməsi üçün əlavə su itkisinə səbəb olur. Bu proses nəticəsində arterial təzyiq yüksələ və digər sağlamlıq problemləri yarana bilər.

Həkimlər isti havada ən təhlükəsiz seçimin adi su olduğunu vurğulayır. Onların fikrincə, suyun soyuq və ya ilıq olması böyük əhəmiyyət daşımır, çünki orqanizm onu istənilən halda öz temperaturuna uyğunlaşdırır. Əsas tövsiyə isə gün ərzində mütəmadi su içmək və güclü susuzluq hissini gözləməməkdir.

Oxşar xəbərlər

Gələcəyə ümidlə baxan uşaqların sağlamlıq arzusu burada gerçəkləşə bilər

Aqşin Fatehin restoranında saxta alkoqollu içkilər aşkarlandı

Ağsu dolaylarındakı son durum: Sürüşmə riskini azaltmaq üçün tədbirlər görülür

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN