Dünya bazarlarında qızılın qiyməti yeni həftəyə yüksəlişlə start verib.

BAKU.WS xəbər verir ki, beynəlxalq ticarət məlumatlarına görə, qızılın unsiyası əvvəlki bağlanışla müqayisədə artaraq 4 700 dollardan yuxarı səviyyədə ticarət olunur. Qiymətlərdəki artım son günlər qlobal bazarlarda müşahidə olunan qeyri-müəyyənlik fonunda baş verir.

Ekspertlər bildirir ki, ABŞ Prezidenti Donald Trampın İranla danışıqların dayandırılması ilə bağlı açıqlamaları və eyni zamanda tərəflər arasında mümkün razılaşma xəbərləri dolların zəifləməsinə səbəb olub. Bu isə öz növbəsində qızılın bahalaşmasını dəstəkləyib.

Analitiklərin fikrincə, Yaxın Şərqdə davam edən gərginlik və investorların daha təhlükəsiz aktivlərə yönəlməsi qiymət artımının əsas səbəblərindəndir.

Bununla yanaşı, bazar iştirakçılarının diqqəti ABŞ Federal Ehtiyat Sisteminin növbəti faiz qərarına yönəlib. Faizlərin sabit saxlanacağı gözlənsə də, qurumun gələcək siyasəti ilə bağlı siqnallar qızıl bazarında əsas istiqaməti müəyyən edə bilər.

Mütəxəssislər hesab edir ki, qlobal iqtisadi və siyasi risklər davam etdikcə qızılın qiymətində dalğalanma müşahidə olunacaq.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Bankda olan mənzillər təcili satışa çıxarıldı - QİYMƏTLƏR

Ucuz qiymətə qızıl almaq istəyənləri SEVİNDİRƏCƏK XƏBƏR

Torpaq almaq istəyənlər üçün YENİ XƏBƏR - Siyahı açıqlandı

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN