Alimlər Afrika qitəsinin şərq hissəsində parçalanma prosesinin gözləniləndən daha sürətlə getdiyini açıqlayıblar.

BAKU.WS Kolumbiya Universitetinin yer alimi Kristian Rouen dediklərinə istinadən xəbər verir ki, Şərqi Afrikadakı yer qabığı nəzərdə tutulduğundan daha çox nazilib və qitənin yarılma prosesi kritik mərhələyə çatıb.

Araşdırmaya əsasən, Turkana yarığı boyunca aparılan seysmik ölçmələr yer qabığının bəzi nöqtələrdə 13 kilometrə qədər incəldiyini göstərib. Mütəxəssislər qeyd edirlər ki, qalınlığın 15 kilometrdən aşağı düşməsi qitənin ayrılmasının qaçılmaz mərhələyə keçdiyini göstərir.

Alimlərin fikrincə, növbəti mərhələdə maqma səthə çıxaraq yeni dəniz dibi formalaşdıracaq. Daha sonra Hind okeanının suları bu ərazini dolduracaq və nəticədə Afrika iki tektonik hissəyə - Nubiya və Somali plitələrinə ayrılacaq.

Nature Communications jurnalında dərc olunan tədqiqat bu prosesin bir neçə milyon il ərzində yeni okeanın yaranmasına səbəb ola biləcəyini göstərir.

Mütəxəssislər hesab edirlər ki, bu dəyişiklik Yer kürəsinin geoloji xəritəsini əhəmiyyətli dərəcədə dəyişəcək.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İlham Əliyev Qarabağ Universitetinin Klinikası binasının açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2