ABŞ-nin Texas ştatında yaşayan 80 ev sahibi raket sınaqları nəticəsində yaranan güclü səs partlayışlarının yaşayış evlərinə zərər vurduğunu iddia edərək SpaceX şirkətinə qarşı kollektiv iddia qaldırıb.

Far.Az xəbər verir ki, iddia 2023-cü ilin aprelindən 2025-ci ilin oktyabrınadək keçirilmiş 11 raket sınağını əhatə edir. Şikayətçilər şirkəti "ağır səhlənkarlıq" və "icazəsiz müdaxilə"də ittiham edirlər.

İddia ərizəsində qeyd olunur ki, raketlərin buraxılışı və geri enişi zamanı yaranan yüksək intensivlikli səs dalğaları evlərdə uzunmüddətli təsir yaradıb. Bildirilir ki, səs sürətini aşan bu partlayışlar güclü olduqda şüşələrin sınması kimi fiziki zərərlərə səbəb ola bilər.

Sakinlər 2023-cü ildə həyata keçirilmiş Starship raket buraxılışını xüsusi vurğulayaraq, 33 mühərrikli qurğunun yaratdığı gücün start meydançasına ciddi ziyan vurduğunu və qalıqların təxminən 1,2 kilometr uzağa səpələndiyini iddia edirlər.

Müraciətdə konkret zərərin məbləği açıqlanmasa da, evlərin divarları, pəncərələri və dam örtüyündə zədələrin yarandığı qeyd olunur. Şikayətçilər şirkətdən kompensasiya tələb edirlər.

Qeyd edək ki, ABŞ Federal Aviasiya Administrasiyası 2025-ci ildə SpaceX-ə Cənubi Texasdan ildə 25-ə qədər raket buraxılışı üçün icazə verib. Bu, əvvəlki illə müqayisədə əhəmiyyətli artım deməkdir. Şirkətin bölgədə fəaliyyəti genişlənməkdə davam edir.

Oxşar xəbərlər

İlham Əliyev Ağdamda 2-ci yaşayış kompleksinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Balıkesirdəki zəlzələ zamanı 25 bina zərər görüb

Hərbi xidməti başa vuran sərhədçi əsgərlər evlərinə yola salınıb