Avropada son günlər hantavirusla bağlı aşkarlanan yeni yoluxma halları narahatlıq yaradıb. Xüsusilə İsveçrədə təsdiqlənən infeksiya sonrası səhiyyə qurumları təhlükənin genişlənə biləcəyi ilə bağlı xəbərdarlıq edib.

Far.Az xarici mediaya istinadən xəbər verir ki, kənd təsərrüfatı və meşəlik ərazilərdə gəmirici populyasiyasının artması virusun yayılma riskini yüksəldir. İqlim dəyişiklikləri və beynəlxalq səyahətlərin intensivləşməsi də təhlükəni artıran əsas amillər sırasında göstərilir.

Hantavirus ilk dəfə 1950-ci illərdə Koreya müharibəsi zamanı ağır tənəffüs və böyrək çatışmazlığı halları ilə gündəmə gəlib. Sonrakı araşdırmalar nəticəsində virusun əsas daşıyıcılarının gəmiricilər olduğu müəyyən edilib. İnsanlara yoluxmanın isə əsasən gəmiricilərin sidik, nəcis və tüpürcəyi ilə çirklənmiş hava hissəcikləri vasitəsilə baş verdiyi açıqlanıb.

Qeyd edək ki, 1993-cü ildə Amerika Birləşmiş Ştatlarında qeydə alınan hantavirus epidemiyası yüksək ölüm göstəricisi ilə diqqət çəkmişdi. Daha sonra Argentina və Çilidə aşkarlanan "Andes" variantının insandan insana keçmə ehtimalı alimlər arasında ciddi narahatlıq yaradıb.

Oxşar xəbərlər

Ağsu dolaylarındakı son durum: Sürüşmə riskini azaltmaq üçün tədbirlər görülür

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2