2024-cü ilin sentyabrı dünyada ikinci ən isti ay olub.

“Far.Az” xəbər verir ki, bu barədə Avropanın “Kopernik” İqlim Dəyişikliyi Xidmətinin məlumatında deyilir.

Xidmətdən verilən məlumata görə, orta aylıq temperatur 16,1 dərəcə təşkil edib ki, bu da əvvəlki illə müqayisədə 0,2 dərəcə azdır. 2024-cü ilin sentyabrı rekord isti aylara görə dünyada ikinci yerdə qərarlaşıb.

Statistikaya əsasən, dünyada iqlim normasından yayınma 0,7 dərəcə Selsi olub.

Qeyd edək ki, orta aylıq norma 30 illik (baza) dövr ərzində istənilən ayın orta temperaturudur. Cari hesablamalar Ümumdünya Meteorologiya Konqresinin tövsiyələrinə əsasən, 1991-2020-ci illər üçün məlumatlar əsasında aparılır. Yayınma norma ilə faktiki orta aylıq temperatur arasındakı fərq kimi hesablanır.

Oxşar xəbərlər

Vətən müharibəsinin başlamasından 4 il ötür

Sentyabr ayının hava proqnozu açıqlanıb

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan QHT-ləri ABŞ və Avropa İttifaqının məsul qurumlarının rəhbərlərinə açıq məktub göndərib

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ