Atlantik okeanında "Caribbean Princess" kruiz gəmisində mədə-bağırsaq infeksiyası olan norovirusun yayılması qeydə alınıb.

"Report" ABŞ Xəstəliklərə Nəzarət və Profilaktika Mərkəzlərinin (CDC) məlumatına əsasən xəbər verir ki, hadisə 7 may tarixində qeydə alınıb.

Qurum bildirib ki, gəmidə 3100-dən çox sərnişin və heyət üzvü var. Artıq 115 nəfərdə qusma və ishal da daxil olmaqla xəstəliyin simptomları qeydə alınıb.

Gəmi administrasiyası artıq sanitar-epidemioloji tədbirlər görüb: yoluxanlar təcrid olunub, laboratoriya analizləri üçün nümunələr toplanır və ərazidə gücləndirilmiş dezinfeksiya işləri aparılır. Təyinat limanına çatdıqdan sonra gəmi növbəti səfərindən əvvəl tam dezinfeksiya prosesindən keçəcək.

Xatırladaq ki, norovirus infeksiyası mədə-bağırsaq traktına təsir edən və kəskin qastroenteritə səbəb olan geniş yayılmış bir virus xəstəliyidir.

İnfeksiya dünyanın bütün bölgələrində baş verir: həm inkişaf etmiş, həm də inkişaf etməkdə olan ölkələrdə yetkinlərin 50-70%-də norovirusa qarşı antikorlar aşkar edilir.

Oxşar xəbərlər

1 saylı İxtisaslaşdırılmış Poliklinikanın Laboratoriya şöbəsinin açılışı olub

Yeni Klinikada Yeni Robotik Reabilitasiya və Sümük İliyi Transplantasiyası mərkəzlərinin açılışı olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Daha bir kruiz gəmisində kütləvi yoluxma - 100 dən çox sərnişində norovirus aşkarlandı