Ümumdünya Səhiyyə Təşkilatı (ÜST) hantavirusla bağlı yeni xəbərdarlıq yayıb.

Far.Az xəbər verir ki, ÜST-ün baş direktoru Tedros Adhanom Qebreyesus İspaniyanın Madrid şəhərində keçirilən mətbuat konfransında çıxışı zamanı yaxın həftələrdə yeni yoluxma hallarının qeydə alına biləcəyini bildirib.

Onun sözlərinə görə, hazırkı vəziyyət genişmiqyaslı epidemiyaya işarə etməsə də, hantavirusun uzun inkubasiya dövrü riskləri artırır.

Qebreyesus beynəlxalq ictimaiyyəti ehtiyatlı olmağa çağıraraq bildirib:

"İnkubasiya dövrünün uzun olması səbəbindən yaxın həftələrdə yeni halların ortaya çıxması ehtimalı yüksəkdir".

Məlumata görə, Hollandiya bayrağı altında üzən MV Hondius adlı lüks sərnişin gəmisi aprelin 1-də Argentinanın Uşuaya limanından yola düşüb.

Səyahət zamanı bir neçə sərnişində hantavirus simptomları aşkarlanıb. Sonradan üç nəfərin virus səbəbindən öldüyü bildirilib. Yoluxma halları İspaniya, Fransa və ABŞ daxil olmaqla müxtəlif ölkələrdə qeydə alınıb.

ÜST mayın 2-də gəmidə hantavirus hallarının təsdiqləndiyini açıqlayıb. Daha sonra İspaniya ilə aparılan danışıqlardan sonra gəminin sərnişinlərinin təxliyəsi üçün Tenerife adası istiqamətinə yönləndirilməsinə qərar verilib.

Mütəxəssislər bildirirlər ki, hantavirus əsasən gəmiricilər vasitəsilə yayılır. Virus qurumuş sidik, nəcis və tüpürcək hissəciklərinin hava yolu ilə insan orqanizminə daxil olması nəticəsində yoluxur. Xəstəlik yüksək hərarət, əzələ ağrıları, halsızlıq, tənəffüs çatışmazlığı, daxili qanaxma və böyrək çatışmazlığı kimi ağır fəsadlara səbəb ola bilər.

Oxşar xəbərlər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Güclü yağışdan sonra Bakıda genişmiqyaslı daxili iməcilik keçirilib

Qebreyesus: Hantavirus yayılan laynerin sərnişinlərinin təxliyəsinə başlanılıb

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Ümumdünya Əməyin Mühafizəsi Gününə həsr olunmuş konfrans keçirilib