Azərbaycan Respublikasının imzaladığı və qüvvədə olan readmissiya sazişləri çərçivəsində bu ilin aprel ayı ərzində 44 şəxsin ölkəyə readmissiyası həyata keçirilib.

Far.Az apa-ya istinadən xəbər verir ki, bu barədə Dövlət Miqrasiya Xidmətindən məlumat verilib.

Bildirilib ki, həmin şəxslər Avropa ölkələrindən readmissiya olunub.

Həmçinin qeyd olunub ki, car ilin aprel ayı ərzində ölkə ərazisində müvəqqəti yaşama icazəsinin alınması (müddətinin uzadılması) ilə bağlı 6680, daimi yaşama icazəsinin alınması (müddətinin uzadılması) ilə bağlı 542 müraciət daxil olub.

"Bundan əlavə, müvafiq dövr ərzində əcnəbilərin və vətəndaşlığı olmayan şəxslərin Azərbaycan Respublikasının ərazisində haqqı ödənilən əmək fəaliyyəti ilə məşğul olması üçün iş icazəsinin alınması və müddətinin uzadılması ilə bağlı 1025 müraciət daxil olub.

Həmçinin 2026-cı ilin aprel ayı ərzində əcnəbilərin və vətəndaşlığı olmayan şəxslərin Azərbaycan Respublikasında olduğu yer üzrə qeydiyyata alınması ilə bağlı 23316 müraciət

daxil olub.

Onu da qeyd edək ki, müvafiq dövr ərzində miqrasiya qanunvericiliyinin pozulması ilə bağlı Dövlət Miqrasiya Xidməti tərəfindən 1746 inzibati qərar qəbul edilib. Eyni zamanda, ölkə hüdudlarından inzibati qaydada kənara çıxarılma ilə bağlı Dövlət Miqrasiya Xidməti tərəfindən bu ilin aprel ayı ərzində 149 qərar, ilk 4 ayı ərzində ümumilikdə 516 qərar qəbul edilib", - məlumatda bildirilib.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Mülki aviasiyada təhlükəsizliyə nəzarətlə bağlı xidmət haqqı məbləğləri təsdiqlənib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycanda mülki aviasiya xidmətləri ilə bağlı tariflər QÜVVƏYƏ MİNDİ