İspaniyanın "Burqos" komandası "Bakı–Xankəndi" Azərbaycan velosiped yarışına yaxşı hazırlaşıb.

"Far.Az"un Xankəndiyə ezam olunan əməkdaşı xəbər verir ki, bu barədə yarışın V mərhələsinin qalibi olan Coş Barnett mətbuat konfransında deyib.

Yeni Zelandiyadan olan idmançı həftənin əvvəlindən yaxşı hazırlaşdıqlarını söyləyib:

"Komanda olaraq turnirə yaxşı köklənmişdik. Bu gün vəziyyətdən asılı olaraq bir-birimizi önə keçirməyə çalışırdıq. Mənim qalib gəlməyimdə əsas bu rol oynadı. Çünki komandamız birlikdə çalışırdı. Yarış zamanı düzgün mövqedə yerləşməyimiz uğura gətirib çıxardı. Bəzi komanda üzvləri ön plana çıxmasalar da, qalibiyyətdə pay sahibi oldular".

Velosipedçi peşəkar karyerasında ilk qələbəsini qazandığını söyləyib:

"Bu qalibiyyəti ömrümün sonuna kimi xatırlayacağam. Çünki ilklər yaddan çıxmır".

Qeyd edək ki, "Burqos" komandası ümumi hesabda "Bakı–Xankəndi" Azərbaycan velosiped yarışının qalibi olub.

Beynəlxalq Velosipedçilər İttifaqının (UCI) 2.1 kateqoriyalı yarışında dünyanın 20 ölkəsini təmsil edən 24 komanda mübarizə aparır. Turnirin mükafat fondu 50 000 avrodan çoxdur.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Yeni zelandiyalı velosipedçi Coş Barnett "Bakı–Xankəndi" yarışının V mərhələsinin qalibi olub

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Həyatda yaxşı şeyləri niyə görmürük? - Tanınmış simaların FİKİRLƏRİ