"Bir millət, iki dövlət" anlayışı ilə bütün sahələrdə qardaşlığımızı gücləndirməyə davam edəcəyik.

"Report" xəbər verir ki, bunu Türkiyə-Azərbaycan parlamentlərarası əlaqələr üzrə işçi qrupunun rəhbəri, millət vəkili Şamil Ayrım "X"dəki səhifəsində yazıb.

O, qeyd edib ki, Ümumdünya Şəhərsalma Forumunun 13-cü sessiyasının (WUF13) iştirak etmək üçün Bakıda olarkən həmkarları ilə birlikdə Milli Məclisdə mühüm görüşlər keçirib. Türkiyə Böyük Millət Məclisinin (TBMM) İctimai işlər, şəhərsalma, nəqliyyat və turizm komitəsinin sədri Adil Karaismailoğlu, TBMM-in üzvləri Hulusi Şentürk, Mervan Gül, Hüseyin Yıldız, Cem Avşar Azərbaycan Milli Məclisinin Regional məsələlər komitəsinin sədri Siyavuş Novruzov, Milli Məclisin İqtisadi siyasət, sənaye və sahibkarlıq komitəsinin sədri Azər Əmiraslanov və komitə üzvləri ilə görüşüblər.

"Türkiyə ilə Azərbaycan qardaşlığını, parlamentlərarası əməkdaşlığımızı və şəhərsalma, regional inkişaf, iqtisadiyyat və sahibkarlıq sahələrində birgə iş imkanlarını müzakirə etdik. "Bir millət, iki dövlət" anlayışı ilə bütün sahələrdə qardaşlığımızı gücləndirməyə davam edəcəyik", - Ş. Ayrım bildirib.

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub