Azərbaycan bütün dünyaya göstərir ki, dağıntıların yerində ən yüksək beynəlxalq standartlara cavab verən müasir məkanları necə yaratmaq mümkündür.

"Report" xəbər verir ki, bu barədə Milli Məclisin deputatı Fatma Yıldırım Bakıda Ümumdünya Şəhərsalma Forumunun 13-cü sessiyası (WUF13) çərçivəsində MDB Parlamentlərarası Assambleyasında bildirib.

Onun sözlərinə görə, uzun illər davam edən dağıntılardan sonra dağ yaşayış məntəqələrinin dirçəlişi təkcə iqtisadi deyil, həm də mühüm humanitar əhəmiyyət kəsb edir: "Azərbaycan bu gün müasir, təhlükəsiz və ekoloji cəhətdən dayanıqlı şəhərlərin yaradılmasına yönəlmiş irimiqyaslı dövlət siyasəti həyata keçirir. Bu strategiyada azad edilmiş ərazilərin bərpası xüsusi yer tutur".

O həmçinin vurğulayıb ki, dağlıq regionların inkişafı sahəsində zəngin təcrübəyə malik olan Azərbaycan işğaldan azad edilmiş ərazilərdə sosial infrastrukturun yaxşılaşdırılmasına, yeni iş yerlərinin yaradılmasına, ekoloji turizmin inkişafına, təbii və mədəni irsin qorunmasına yönəlmiş müxtəlif proqramlar həyata keçirir.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib