Ukraynada mənzil sektoru Rusiyanın müharibəsi nəticəsində ən çox zərər görən sahələrdən biridir.

Far.Az "Report"a istinadən xəbər verir ki, bunu Almaniyanın Federal İqtisadi Əməkdaşlıq və İnkişaf Nazirliyinin (BMZ) federal əyalətlər və yerli hakimiyyət orqanları üzrə G33 bölməsinin rəhbəri Yeliz Berxt Ümumdünya Şəhərsalma Forumunun 13-cü sessiyası (WUF13) çərçivəsində keçirilən "Xarkovda evlerin yenidən qurulması və Gələcək Şəher" adlı tədbirdə deyib.

Bildirilib ki, Ukraynada mənzil fondunun təxminən 14 %-i dağıdılıb və ya zədələnib: "Ümumi zərər və itkilərin həcmi isə 90 milyard ABŞ dollarına yaxın qiymətləndirilir. Hazırda 3,4 milyon məcburi köçkün, geri qayıdan şəxs və veteran kirayə mənzillərdən asılı vəziyyətdədir, lakin bu qruplar üçün əlçatan mənzil imkanları olduqca məhduddur. Mənzil bərpası yalnız binaların yenidən tikilməsi deyil. Bu, insanlar, ləyaqət və şəhərlər məsələsidir".

Onun sözlərinə görə, Almaniya Ukraynanın bərpasında mənzil sektorunu əsas istiqamətlərdən biri hesab edir: "Biz yalnız dağıdılmış binaları əvəz etmək istəmirik. Məqsədimiz daha təhlükəsiz, yaşıl və inklüziv şəhər mühiti yaratmaqdır. Mənzil siyasətinin əsas prinsipləri ilə bağlı çərçivə qanunu artıq qəbul edilib, sosial və əlçatan mənzil, həmçinin mənzil fondunun idarə olunması ilə bağlı əlavə qanunların hazırlanmasına ehtiyac var".

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Heydər Əliyev Fondunun dəstəyi ilə alınan musiqi alətlərinin təqdimatı olub