Dünyada mənzil problemi ilə üzləşən insanların əksəriyyətini qadınlar təşkil edir.

"Far.Az" xəbər verir ki, bunu Barbadosda Birləşmiş Millətlər Təşkilatının Rezident Koordinatoru Simon Sprinqett Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində "Qadınların Dəyirmi Masası: Gender bərabərliyi və qadınların gücləndirilməsi üçün adekvat mənzil təminatı" adlı tədbirdəki çıxışında deyib.

Onun sözlərinə görə, qadınların başçılıq etdiyi ev təsərrüfatlarının sayı kifayət qədər çoxdur:

"Mənzil problemi ilə üzləşən insanların əksəriyyətini qadınlar təşkil edir. BMT gender statistikasının inkişafına, investisiyaların cəlb olunmasına, təhlükəsizliyin təmin olunmasına və iqlim risklərinin nəzərə alınmasına dəstək verə bilər".

S.Springettun fikrincə, bu çərçivədə mövcud reallıqlara uyğun siyasətlər formalaşdırılmalıdır:

"Bunun üçün etibarlı sübutlar və məlumatlar əldə edilməli, məlumatlardan istifadənin təşviqinə xüsusi diqqət yetirilməlidir. BMT məlumat sistemlərinin təkmilləşdirilməsi, eləcə də yaşayış yerlərində təhlükəsizliyin təmin olunması istiqamətində dəstək verə bilər".

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

WUF13-ün beşinci günündən maraqlı anlar - FOTOREPORTAJ

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib