"Dünyanın hər yerində qadınlar və qızlar var ki, onlar kimlik, irq, etnik mənsubiyyət, yaş, əlillik və digər fərqləndirici xüsusiyyətlər səbəbilə çoxsaylı sistemli ayrı-seçkiliyə məruz qalırlar və adekvat mənzil hüququnu əldə etməkdə ciddi maneələrlə üzləşirlər".

BAKU.WS xəbər verir ki, bu sözləri Latın Amerikası Qadınlar və Məskunlaşma Şəbəkəsinin (Women and Habitat Network) həmtəsisçisi Anna Falu Bakıda keçirilən Ümumdünya Şəhərsalma Forumunun 13-cü sessiyasının (WUF13) bağlanış mərasimində deyib. O qadınların üzləşdiyi "görünməz əmək" yükünün onların həyatında mühüm rol oynadığını vurğulayaraq, gender əsaslı zorakılıq və reproduktiv sahədə yaşanan problemlərin bir-biri ilə bağlı olduğunu qeyd edib.

Falunun sözlərinə görə, qadınların siyasət proseslərində nəzərə alınmaması qlobal bərabərsizliyi daha da dərinləşdirir və bu səbəbdən qadınların rolu dövlət siyasətlərinin mərkəzinə gətirilməlidir. O əlavə edib ki, şəhərlərdə, yoxsulluq bölgələrində və sürətlə genişlənən urban ərazilərdə hərtərəfli "qulluq sistemləri" yaradılmalı, bu sistemlər icma təşkilatlanması və sosial şəbəkələr əsasında qurulmalıdır. Falu onu da vurğulayıb ki, ailə daxilində qulluq təmin olunmadıqda bu boşluğu icma strukturları doldurur və buna görə də qulluq məsələsi şəhər planlaşdırılması və mənzil dizaynına inteqrasiya edilməlidir.

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Arzu Əliyeva və Alena Əliyeva "Rənglərdə yaşanan 10 il" mövzusunda keçirilən sərgidə iştirak ediblər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib - YENİLƏNİB-4

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib