Dəniz səviyyəsinin yüksəlməsi əcdadlarımızın torpaqlarını yox edir.

"Report" xəbər verir ki, bunu Solomon Adalarından "Dreamcast" Teatrının aktyoru və teatr rejissoru Gillian Herdi Oti Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunmuş "İqlim cəbhələrindən hekayələr" adlı tədbirdə bildirib.

Onun sözlərinə görə, bu torpaqlar sadəcə bir ərazi olmaqdan daha çox şey ifadə edir: "Onlar bizim hekayələrimizi, riflərimizi (mərcan qayalıqlarımızı), kəndlərimizi və nəsil şəcərəmizi özündə yaşadır. Onlar yox olduqda, itən şey sadəcə coğrafi ərazi olmur; itən bizim kimliyimiz və aidiyyatımızdır. ​İstər Honiaraya, istərsə də digər əyalət adalarına köçmək dərin emosional gərginlik gətirir. Ailələr müqəddəs məkanları, məzarlıqları və ənənəvi toplaşma yerlərini geridə qoyurlar. İcmalar kökdən qoparıldıqda adət-ənənələrimiz, mədəni rituallarımız pozulur. Balıqçılıq, bağçılıq və mərcan qayalıqlarından məhsul toplamaqla bağlı olan dolanışıq mənbələri zəifləyir və onlarla birlikdə bizi torpağa və okeana bağlayan qoruyuculuq (sahiblik) hissi də itir".

"​Şəhərlərə miqrasiya isə bura daha bir çətinlik qatı əlavə edir. Həddindən artıq sıx məskunlaşma mədəni kimliyi zəiflədir və bir çox insanı ənənəvi həyat tərzindən qopmuş vəziyyətdə qoyur. Gənclərimiz üçün iqlim təsirləri imkanları və arzuları yenidən formalaşdırır; onların özlərini, mədəniyyətlərini və dünyadakı yerlərini necə gördüklərini dəyişir", - deyə o qeyd edib.

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub