İran diqqəti ABŞ ilə anlaşma memorandumu üzərində işin yekunlaşdırılmasına cəmləyib.

"Far.Az" "Al Jazeera" telekanalına istinadən xəbər verir ki, bunu İran Xarici İşlər Nazirliyinin rəsmi nümayəndəsi İsmayıl Baqai deyib.

"Son bir həftə ərzində tərəflərin mövqeləri yaxınlaşıb. Bizə yalnız gözləmək və növbəti üç-dörd gün ərzində nə baş verəcəyini görmək qalır", - o bildirib.

İranın "Tasnim" agentliyinin xəbərinə görə, Baqai qeyd edib ki, bir tərəfdən iki tərəf arasındakı dialoqda yaxınlaşma meyli müşahidə olunur: "O mənada yox ki, biz belə vacib məsələlər üzrə qarşılıqlı anlaşma əldə edəcəyik. O mənada ki, bir sıra parametrlərə əsaslanaraq qarşılıqlı məqbul qərara gələ bilərik".

O, həmçinin Pakistanın danışıqlar prosesindəki müsbət rolunu da qeyd edib.

"Pakistan danışıqlarda əsas vasitəçi kimi mühüm rol oynayıb və bu səfərin (Pakistan ordusunun komandanı Asim Munirin - red.) məqsədi İran və Amerika arasında məlumat mübadiləsinin davam etdirilməsi idi. Biz bu anlaşma memorandumunun hazırlanmasının yekun mərhələsindəyik. Hazırkı mərhələdə müzakirə olunan məsələlər müharibənin dayandırılmasına yönəlib. Bu mərhələdə bizim diqqətimiz təhmil edilmiş müharibəyə son qoyulmasına cəmləşib. Bu anlaşma memorandumunda ABŞ-nin hərbi-dəniz təcavüzünün dayandırılması və dondurulmuş İran aktivlərinin blokdan çıxarılması ilə bağlı məsələlərə baxılır", - Baqai qeyd edib.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

"Report" İA və Baku TV Çinin nüfuzlu CCTV+ agentliyi ilə əməkdaşlıq memorandumu imzalayıblar