Azərbaycan Səudiyyə Ərəbistanının mayın 17-dən 22-dək Bakıda keçirilən Ümumdünya Şəhərsalma Forumunun 13-cü sessiyasında (WUF13) fəal iştirakını yüksək qiymətləndirib.

"Report"un məlumatına görə, bunu Azərbaycanın Ər-Riyadda səfiri Mütəllim Mirzəyev "Asharq Al-Awsat" nəşrinə müsahibəsində bildirib.

Forum çərçivəsində şəhər inkişafı və dayanıqlı mənzil tikintisi sahəsində Səudiyyə Ərəbistanının aparıcı təşəbbüsləri və layihələri təqdim olunub ki, bu da diplomatın sözlərinə görə, ikitərəfli əlaqələndirmənin dərinləşən səviyyəsini əks etdirir.

Səfir qeyd edib ki, WUF13 Bakını ağıllı şəhərlərin gələcəyi, müasir şəhərsalma və iqlim davamlılığının müzakirəsi üçün qlobal platformaya çevirib.

O, həmçinin vurğulayıb ki, bu strateji yanaşmalar Azərbaycanın azad edilmiş ərazilərdə yeni şəhər və kəndlərin tikintisinin aparıldığı bərpa və inkişaf üzrə cari planlarına tam inteqrasiya olunub.

Oxşar xəbərlər

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ

WUF13 yüksəksəviyyəli sessiyalar və rekord sayda iştirakçı ilə uğurla başa çatıb

Bakıda keçirilən WUF13 dünya mediasının diqqət mərkəzindədir