Rumıniya Xarici İşlər Nazirliyi Rusiya pilotsuz uçuş aparatının (PUA) yaşayış infrastrukturu obyektinə düşməsi və bir neçə nəfərin yaralanması ilə əlaqədar Rusiyanın ölkədəki səfirini çağırıb.

"Far.Az" xəbər verir ki, bu barədə Rumıniyanın XİN başçısı Oana-Silvia Tsoyu "X" sosial şəbəkəsindəki hesabında paylaşım edib.

"Biz Rusiya səfirini Xarici İşlər Nazirliyinin qərargahına çağırdıq. Qərar son dərəcə ciddi insidentlə əlaqədar qəbul edilib. Biz ölkələrimiz arasındakı diplomatik münasibətlərə Rusiyanın bu məsuliyyətsizliyinin nəticələri, həmçinin sanksiya paketləri ilə bağlı Avropa səviyyəsində addımlar barədə rəsmi məlumat verəcəyik", - o yazıb.

Onun sözlərinə görə, Milli Müdafiə Nazirliyi Qalats şəhərində yaşayış binasına düşən pilotsuz uçuş aparatının Rusiya mənşəli olduğunu təsdiqləyib: "Rumıniya Prezident Nikuşor Dan bu gün səhər Ali Milli Müdafiə Şurasını çağırıb".

10:07

Rumıniya ərazisinə daxil olaraq yaşayış binasında yanğına səbəb olan dron Rusiya tərəfindən buraxılıb.

"Far.Az"un məlumatına görə, bu barədə Rumıniyanın xarici işlər naziri Oana-Silviya Tsoyu "X" sosial şəbəkəsindəki hesabında yazıb.

Onun sözlərinə görə, bu insidenti eskalasiyaya doğru ciddi və məsuliyyətsiz bir addım kimi qiymətləndirmək olar:

"Rusiya pilotsuz uçuş aparatı Rumıniyanın Qalats şəhərində 10 mərtəbəli yaşayış binasının damına çırpılaraq yanğına səbəb olub. İki nəfər yüngül xəsarət alıb, bir neçə sakinə tibbi yardım göstərilməli olub. Binanın sakinləri təxliyə edilib. Rumıniya beynəlxalq hüququn və onun hava məkanının pozulmasına cavab olaraq zəruri diplomatik tədbirlər görəcək".

O.Tsoyu həmçinin qeyd edib ki, Rumıniya Avropa İttifaqı ölkələrini, müttəfiqləri və NATO-nun baş katibi Mark Rütteni baş verənlər barədə məlumatlandırıb, həmçinin dronlara qarşı mübarizə vasitələrinin Rumıniyaya təhvil verilməsinin sürətləndirilməsi üçün tədbirlər görülməsini tələb edib.

"Rusiya bu hərəkətlərə görə birbaşa məsuliyyət daşıyır", - o qeyd edib.

Nazir həmçinin vurğulayıb ki, ölkə Ukraynada hərtərəfli atəşkəsin əldə edilməsi məqsədilə Rusiyaya beynəlxalq təzyiqin gücləndirilməsi üçün qətiyyətlə hərəkət edəcək.

Qeyd edək ki, bu gün Rusiyaya məxsus pilotsuz uçuş aparatı Rumıniyanın hava məkanına daxil olaraq çoxmərtəbəli yaşayış binasına çırpılıb, iki nəfər xəsarət alıb.

Oxşar xəbərlər

Oana Tsoyu: Rusiya Rumıniya ərazisinə dron zərbəsinə görə məsuliyyət daşıyır

Anar Ələkbərov "44" bədii filminin çəkilişlərinin başa çatması barədə paylaşım edib

Lökbatandakı yanğına helikopterlər indiyədək 200 ton su töküb - YENİLƏNİB-4

Lökbatandakı yanğına helikopterlər indiyədək 150 ton su töküb - YENİLƏNİB-4

İlham Əliyev Kolumbiyanın Azərbaycana yeni təyin olunmuş səfirini qəbul edib