Finlandiyanın müdafiə naziri Antti Hakkianen prezident Aleksandr Stubbun Ukraynaya 33-cü hərbi yardım paketinin ötürülməsi barədə qərar verdiyini bəyan edib.

"Report" xəbər verir ki, bu barədə nazirliyin mətbuat xidməti məlumat yayıb.

Göndərilən silahların və hərbi avadanlıqların dəyəri təxminən 128 milyon avro məbləğində qiymətləndirilir. Paketin tərkibinə həm Finlandiya Silahlı Qüvvələrinin ehtiyatlarından göndərilən tədarüklər, həm də milli müdafiə müəssisələrindən satın alınmış məhsullar daxildir.

Vurğulanıb ki, Finlandiya hazırkı mərhələyə qədər Ukraynaya ümumilikdə 3,4 milyard avro məbləğində müdafiə məhsulları ötürüb.

"Finlandiya Ukraynaya lazım olduğu müddətcə dəstək verməyi öhdəsinə götürür. Bu həmçinin Finlandiyanın müdafiə-sənaye bazasını gücləndirir. Bu dəstək paketləri sayəsində onlarla fin şirkəti artıq öz məhsullarının ən çətin şəraitdə funksionallığını nümayiş etdirə bilib", - A. Hakkanen bildirib.

Qeyd olunub ki, əməliyyat təhlükəsizliyi mülahizələrindən və yardımın etibarlı çatdırılmasını təmin etmək məqsədilə paketin ətraflı tərkibi, daşınma marşrutları və ötürmə müddətləri açıqlanmır. Paketin formalaşdırılması zamanı həm Ukrayna tərəfinin sorğuları, həm də Finlandiya SQ-nin resurs vəziyyəti nəzərə alınıb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Vidadi Zeynalovun MİLYONLUQ əmlakları hərraca çıxarılır

Azərbaycandan İrana göndərilən humanitar yardım dövlət sərhəd buraxılış məntəqəsindən keçib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2