Pakistanın Baş nazirinin müavini və xarici işlər naziri Məhəmməd İshaq Dar Vaşinqtonda ABŞ Dövlət katibi Marko Rubio ilə ikitərəfli görüş keçirib.

"Report" xəbər verir ki, bu barədə Pakistan Xarici İşlər Nazirliyi (XİN) məlumat yayıb.

Məlumata görə, tərəflər Pakistan-ABŞ münasibətlərində müşahidə olunan müsbət dinamikanı məmnunluqla qeyd edib, regional və qlobal məsələlər ətrafında fikir mübadiləsi aparıblar:

"Rubio Pakistanın regionda və onun hüdudlarından kənarda sülh və sabitliyin təmin olunması istiqamətində göstərdiyi diplomatik və vasitəçilik səylərini yüksək qiymətləndirib.

Tərəflər həmçinin ticarət və investisiya, təhlükəsizlik, eləcə də terrorizmlə mübarizə sahələrində əməkdaşlığın genişləndirilməsi barədə razılığa gəliblər", - məlumatda qeyd olunub.

Bununla yanaşı, yüksək səviyyəli qarşılıqlı səfərlərin davam etdirilməsi və regional sülh, təhlükəsizlik, rifah naminə ortaq maraqlara əsaslanan Pakistan-ABŞ tərəfdaşlığının daha da inkişaf etdirilməsi qərara alınıb.

Oxşar xəbərlər

İlham Əliyev Vaşinqtonda Sülh Şurasının ilk iclasında iştirak edib

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Vaşinqtonda Sülh Şurasının ilk iclasında iştirak edib

İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ