Dağıstanın Axtı rayonunun kəndlərindən birindəki bənd güclü yağıntılar səbəbindən uçub, yaxınlıqdakı yaşayış evləri, qaz kəməri və respublika əhəmiyyətli avtomobil yolunun su altında qalma təhlükəsi mövcuddur.

"Far.Az" xəbər verir ki, bu barədə "İnterfaks" Rusiya FHN-in respublika üzrə Baş İdarəsinin mətbuat xidmətinə istinadən məlumat yayıb.

"Mayın 29-30-da yağan güclü yağışlar səbəbindən Axtı kəndinə girişdə 100 metr uzunluğunda bənd uçub. Vəziyyətin daha da pisləşəcəyi halda sahilyanı torpaqlar, tarlalar, fərdi evlər, qaz kəməri, elektrik ötürücü xətləri və respublika əhəmiyyətli yolun su altında qalma təhlükəsi var", - məlumatda deyilir.

Qurumdan qeyd ediblər ki, hazırda yerli əhali üçün təhlükə yoxdur.

Yerlərdə vəziyyətin qiymətləndirilməsi ilə Axtı rayon rəhbərliyi və Rusiya FHN əməkdaşları məşğul olacaqlar.

Oxşar xəbərlər

Şimal-qərb bölgəsində leysan yağışları olub, dolu düşüb

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib

İki ordu arasında qalan Ukraynanın xaraba kəndlərindən - FOTOREPORTAJ

İlham Əliyev Ağdamda 2-ci yaşayış kompleksinin açılışında iştirak edib

Horadiz–Cəbrayıl–Zəngilan–Ağbənd yolunun tikintisi 95 % icra olunub