Avropa İttifaqı (Aİ) Yaxın Şərqdəki münaqişə fonunda dünyada neft qiymətlərinin artması səbəbindən Rusiya neftinə qoyulan qiymət tavanı müvəqqəti olaraq dondurmaq imkanını nəzərdən keçirir.

"Report" xəbər verir ki, bu barədə "Bloomberg" agentliyi mənbələrə istinadən yazıb.

Qeyd edək ki, hazırda qiymət həddi barrel üçün 44,10 dollar təşkil edir. "Bu hədd Rusiyanın "Urals" neftinin orta bazar qiymətindən 15% aşağı səviyyədə müəyyən edilir, lakin Hörmüz boğazının bağlanması ilə bağlı neft kotirovkalarının artması səbəbindən növbəti yenidən baxış tavanın barrel üçün 65 dollara qaldırılmasına gətirib çıxara bilərdi", - yazıda qabardılıb.

Agentliyin mənbələrinin sözlərinə görə, nəzərdən keçirilən variantlardan biri tavanın cari səviyyədə saxlanmasını nəzərdə tutur. Müzakirə olunan digər tədbirlər arasında Yaxın Şərqdəki vəziyyət nəzərə alınmaqla, ilin sonuna qədər avtomatik artımın dayandırılması da var.

Bu tədbir Aİ-nin Rusiyaya qarşı növbəti sanksiyalar paketinin bir hissəsi ola bilər. Aİ hazırlığı başa çatdırmağı və yeni məhdudiyyətləri iyunun əvvəlində rəsmi şəkildə təqdim etməyi planlaşdırır.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İlham Əliyevin sədrliyi ilə Bakı və Abşeronda su təchizatına dair Dövlət Proqramına həsr olunan müşavirə keçirilib - YENİLƏNİB