"Biz Azərbaycan Dövlət Su Ehtiyatları Agentliyi ilə əməkdaşlıq sazişi imzalamışıq və enerji səmərəliliyi sahəsində təşəbbüslərimizin icrasına məhz onlarla başlamışıq. Bunun əsas səbəbi Agentliyin ölkənin ən böyük elektrik enerjisi istehlakçılarından biri olmasıdır".

Far.Az oxu.az-a istinadən xəbər verir ki, bunu energetika nazirinin müavini Elnur Soltanov Bakı Enerji Forumu çərçivəsində keçirilən "ESCO Enerji Səmərəliliyi və İnvestisiya Platforması: beynəlxalq ESCO təcrübəsinin Azərbaycanın iri enerji istehlakçıları ilə birləşdirilməsi" adlı tədbirdə bildirib.

O qeyd edib ki, hazırda Bakı şəhərinin su təchizatını təmin edən nasos stansiyalarında iki pilot layihə həyata keçirilir:

"Dövlət Su Ehtiyatları Agentliyi ilə əməkdaşlıq strategiyamız bir neçə istiqamət üzrə qurulub.

Birinci istiqamət avadanlıqların modernləşdirilməsi və köhnəlmiş texnoloji sistemlərin yenilənməsidir. Bu, həm texniki avadanlıqların, həm də idarəetmə elementlərinin müasirləşdirilməsini əhatə edir. İkinci istiqamət isə şəbəkənin optimallaşdırılmasıdır. Burada məqsəd ölkə üzrə su infrastrukturuna aid obyektlər arasında daha səmərəli qarşılıqlı fəaliyyət mexanizminin yaradılmasıdır ki, onlar vahid və koordinasiyalı sistem kimi fəaliyyət göstərə bilsinlər".

Oxşar xəbərlər

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Bakıda Azərbaycan Könüllülərinin VIII Həmrəylik Forumu keçirildi

İƏT Mədəniyyət Festivalı çərçivəsində Qadınların Yaradıcı Forumu keçirilib