Azərbaycan və Belarus qarşılıqlı ticarətin diversifikasiyası hesabına ticarət dövriyyəsinin daha da artırılması və onun strukturunun genişləndirilməsi imkanlarına malikdir.

"Far.Az"un Minskə ezam olunmuş əməkdaşı xəbər verir ki, bu barədə Azərbaycanın Baş nazirinin müavini Samir Şərifov Belarusun Baş naziri Aleksandr Turçinlə görüşündə bildirib.

S.Şərifovun sözlərinə görə, Azərbaycan-Belarus münasibətlərinin gündəliyində ən mühüm yeri iqtisadi əməkdaşlıq tutur: "Dünya iqtisadiyyatında baş verən mürəkkəb proseslərə baxmayaraq, ölkələrimiz qarşılıqlı ticarətin müsbət dinamikasını qoruyub saxlamağa və işgüzar qarşılıqlı əlaqələrin istiqamətlərini genişləndirməyə nail olur. 2026-cı ilin dörd ayı ərzində ölkələrimiz arasında ticarət dövriyyəsinin artımı ötən ilin bənzər dövrü ilə müqayisədə 11 %-i (158 milyon dolları) ötüb. Hesab edirik ki, ticarət dövriyyəsinin daha da artırılması və qarşılıqlı ticarətin strukturunun şaxələndirilməsi üçün yollar var".

Baş nazirin müavini vurğulayıb ki, ticarət dövriyyəsinin artmasına və qarşılıqlı ticarətin strukturunun şaxələndirilməsinə Belarus müəssisələrinin Azərbaycanda qurulmuş geniş diler şəbəkəsi, eləcə də Belarusdakı Azərbaycan Ticarət Evinin fəaliyyəti kömək edə bilər.

Xəbər yenilənir

Oxşar xəbərlər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2