Bulud əsaslı hostinq və təhlükəsizlik şirkəti Cloudflare açıqlayıb ki, onun infrastrukturundan istifadə edən bəzi internet saytlarına daxil olan sorğuların artıq 57,4 faizi avtomatik botlar tərəfindən göndərilir. İnsan mənbəli trafik isə 42,6 faizə enib.

BAKU.WS şirkətə istinadən xəbər verir ki, süni intellekt agentləri və botların yaratdığı trafik internet tarixində ilk dəfə insan trafikini üstələyib.

Cloudflare-in həmtəsisçisi və baş icraçı direktoru Metyu Prins bildirib ki, bu dönüş nöqtəsinin daha gec baş verəcəyini gözləsə də, avtonom süni intellekt sistemlərinin sürətli inkişafı prosesi xeyli sürətləndirib.

Məlumata əsasən, insanlar hər hansı məhsul və ya xidmətlə bağlı qərar verməzdən əvvəl orta hesabla 5 sayta baxdığı halda, süni intellekt xidmətləri minlərlə saytı qısa müddətdə taraya bilir.

Ekspertlər hesab edirlər ki, bot trafikinin artması internetin mövcud biznes modelinə də təsir göstərə bilər. Metyu Prinsin sözlərinə görə, gələcəkdə məzmun sahibləri botların məlumatlara çıxışı üçün ödəniş tələb edə bilərlər.

Bu tendensiya internetdə insan fəaliyyətinin azalacağı ilə bağlı "ölü internet nəzəriyyəsi"ni yenidən gündəmə gətirsə də, Cloudflare rəhbəri süni intellektin daha çox insanın məzmun yaratmasına imkan verdiyini vurğulayıb.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3