"Qarabağ" futbol klubu Avropa Liqasının təsnifat mərhələsi və yeni mövsüm üçün hazırlıqlara start verir.

BAKU.WS-in məlumatına görə, Ağdam təmsilçisi bu gün Bakıda bir araya gələrək məşqlərə başlayacaq. Hazırlıq mərhələsinin ilk hissəsi iyunun 22-dək davam edəcək.

Daha sonra komanda Avstriyaya yollanacaq. Tirol əyalətində keçiriləcək ikinci hazırlıq toplanışı iyulun 2-dək planlaşdırılır.

Təlim-məşq prosesi çərçivəsində "Qarabağ" üç yoxlama görüşü keçirəcək. İyunun 27-də komanda Sofiya ÇSKA-sı (Bolqarıstan) ilə qarşılaşacaq. Matç Bakı vaxtı ilə saat 19:00-da başlayacaq.

İyulun 1-də "Qarabağ" Ukraynanın "Metallist" klubu ilə üz-üzə gələcək. Həmin gün keçiriləcək ikinci oyunun start fiti saat 15:00-da səslənəcək.

Elə həmin gün axşam saatlarında komanda Macarıstanın "Ferentsvaroş" klubu ilə də yoxlama matçı keçirəcək. Görüş saat 20:00-da başlayacaq.

Qeyd edək ki, "Qarabağ" Avropa Liqasının birinci təsnifat mərhələsində mübarizəyə qoşulacaq. Rəqib iyunun 16-da keçiriləcək püşkatma mərasimindən sonra müəyyənləşəcək.

Qalereya

Oxşar xəbərlər

Şəhidlər xiyabanına xalq ziyarəti axşam saatlarında da davam edir

İlham Əliyev Cəbrayılın Horovlu kəndinin birinci mərhələsinin açılışında iştirak edib

Prezident İlham Əliyev Milli Aviasiya Akademiyasında Beynəlxalq Təlim Mərkəzinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Nazirlikdən "Baku Electronics" MMC-yə məxsus mağazada YOXLAMA