Futbol üzrə 2026-cı il dünya çempionatında qrup mərhələsinin ilk turunun oyunları davam edir.

Far.Az xəbər verir ki, azarkeşləri bu gün və sabaha keçən gecə daha dörd maraqlı qarşılaşma gözləyir.

İlk olaraq H qrupunda mübarizə aparan İspaniya millisi Kabo-Verde yığması ilə üz-üzə gələcək. Qarşılaşma Bakı vaxtı ilə saat 20:00-da başlayacaq.

Həmin qrupun digər matçında isə Səudiyyə Ərəbistanı və Uruqvay komandaları münasibətlərinə aydınlıq gətirəcəklər. Oyun iyunun 16-da saat 02:00-da start götürəcək.

G qrupunda günün diqqətçəkən görüşlərindən biri Belçika və Misir milliləri arasında keçiriləcək. Bu qarşılaşmanın start fiti saat 23:00-da səslənəcək.

Qrupun digər oyununda isə İran yığması Yeni Zelandiya ilə qarşılaşacaq. Matç iyunun 16-da Bakı vaxtı ilə saat 05:00-da başlayacaq.

Dünya çempionatı

Qrup mərhələsi, I tur

15 iyun

H qrupu

20:00. İspaniya - Kabo-Verde

G qrupu

23:00. Belçika - Misir

16 iyun

H qrupu

02:00. Səudiyyə Ərəbistanı - Uruqvay

G qrupu

05:00. İran - Yeni Zelandiya

Xatırladaq ki, ABŞ, Kanada və Meksikanın birgə ev sahibliyi etdiyi dünya çempionatının final oyunu iyulun 19-da keçiriləcək.

Oxşar xəbərlər

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

WUF13-ün beşinci günündən maraqlı anlar - FOTOREPORTAJ

Leyla Əliyeva "Mənzərəyə açılan ev" mövzusunda qrup sərgisində iştirak edib

İlham Əliyev Cəbrayılın Horovlu kəndinin birinci mərhələsinin açılışında iştirak edib

Bakıdakı hərbi paraddan maraqlı FOTOLAR