Türkman eli ilə əməkdaşlığın inkişafı üçün böyük potensial mövcuddur.

"Far.Az"un yerli bürosu xəbər verir ki, bunu Milli Məclisin deputatı, Türk Dövlətləri Təşkilatına (TDT) üzv ölkələrin QHT Platformasının Baş katibi Azər Allahverənov Naxçıvanda keçirilən "Türkman irsi: dil, mədəniyyət və tarix" mövzusunda elmi müzakirə çərçivəsində jurnalistlərə açıqlamasında deyib.

Onun sözlərinə görə, görüşün əhatə dairəsi TDT-nin coğrafi sərhədlərindən daha genişdir:

"Tdbirdə İraq, Suriya, Livan və digər ölkələrdə yaşayan türkman icmalarının nümayəndələri iştirak ediblər. Görüşdə bu çərçivədə əməkdaşlığın böyük perspektivlərə malik olduğunu bildiriblər. Bunun əsas səbəbi ortaq dil, mədəniyyət, tarix və bir-birinə yaxın dəyərlərin mövcudluğudur. Bu nümunələr bir daha göstərir ki, biz əməkdaşlığı sıfırdan qurmuruq. Əksinə, əsrlər boyu formalaşmış münasibətlərə, ortaq tarixə və möhkəm təməllərə söykənirik".

A.Allahverənovun bildirib ki, gələcəkdə müəyyənləşdirilən istiqamətlər üzrə türkman icmaları ilə birgə layihələrin və əməkdaşlıq proqramlarının həyata keçirilməsi nəzərdə tutulur. Məqsəd türk dünyasının həmrəyliyini daha da gücləndirmək və yeni təşəbbüslərin reallaşdırılmasına töhfə verməkdir.

Deputat vurğulayıb ki, TDT ölkələrinin QHT Platforması çərçivəsində əlaqələrin inkişaf etdirilməsi üçün böyük potensial mövcuddur:

"Bu potensialdan səmərəli istifadə türk dünyasını daha da sıx birləşdirəcək layihələrin həyata keçirilməsinə, eləcə də türkman elini təmsil edən vətəndaş cəmiyyəti institutlarının bu prosesdə fəal iştirakına təkan verəcək".

Oxşar xəbərlər

QHT-lərə dövlət dəstəyinin "bir pəncərə"li yeni mexanizmi yaradılıb

Bakıda TDT-yə üzv ölkələrin QHT-lərinin II Həmrəylik Forumu keçirilib

VII çağırış Milli Məclisin deputatları - SİYAHI

Milli Məclisə seçkilərdə lider namizədlərin adları açıqlanıb - YENİLƏNİB

İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib