İranın xarici işlər naziri Abbas Əraqçi ilə Səudiyyə Ərəbistanından olan həmkarı Feysəl bin Fərhan Al Səud arasında telefon danışığı baş tutub və tərəflər ABŞ ilə danışıqlar prosesini müzakirə ediblər.

"Far.Az" xəbər verir ki, bu barədə A. Əraqçi "Telegram" kanalında məlumat yayıb.

İranın xarici işlər naziri həmkarını danışıqlar prosesindəki son vəziyyət, əldə olunmuş razılaşmaların icrası istiqamətində görülən işlər və bu çərçivədə aparılan məsləhətləşmələr barədə məlumatlandırıb.

Tərəflər həmçinin regional və beynəlxalq gündəmdəki son hadisələri müzakirə ediblər. Regional sabitliyin dəstəklənməsi, danışıqlar prosesinin irəliləməsi və müsbət, davamlı nəticələrin əldə olunması məqsədilə məsləhətləşmələrin davam etdirilməsinin əhəmiyyətinə toxunublar.

Bundan başqa, diplomatik kanalların açıq saxlanılmasının və birgə əməkdaşlığın gücləndirilməsinin vacibliyini vurğulayıblar.

Oxşar xəbərlər

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Prezident İlham Əliyev Şuşanın Böyük Qaladərəsi kəndində görülən işlərlə tanış olub, sakinlərlə görüşüb

Vətən müharibəsində Qələbənin beşinci ildönümünə həsr olunmuş Hərbi parad keçirilib