Bu ilin yanvar-may aylarında Türkiyə ərazisi ilə Bakı-Tbilisi-Ceyhan (BTC) kəməri vasitəsilə 80,536 milyon barel neft nəql edilib.

Bu barədə "Report" Türkiyənin BOTAŞ şirkətinə istinadən xəbər verir.

Məlumata görə, bu, 2025-ci ilin 5 ayı ilə müqayisədə 7,975 milyon barel və ya 9 % azdır.

Təkcə may ayında isə bu kəmər vasitəsilə 16,524 milyon barel neft nəql edilib ki, bu da 2025-ci ilin may ayı ilə müqayisədə 1,233 milyon barel və ya 6,9 % azdır.

Xatırladaq ki, 2025-ci ildə Türkiyə ərazisi ilə Bakı-Tbilisi-Ceyhan (BTC) kəməri vasitəsilə 206,434 milyon barel neft nəql edilib.

Qeyd edək ki, hazırda BTC boru kəməri əsasən Azərbaycandan "Azəri-Çıraq-Günəşli" (AÇG) yataqlar blokundan hasil edilən nefti və "Şahdəniz" yatağından çıxarılan kondensatı daşıyır. Bundan əlavə, BTC vasitəsilə digər xam neft və kondensat həcmləri, o cümlədən Türkmənistan və Qazaxıstan nefti də nəql olunur.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

"Şahdəniz" yatağından ilk qazın əldə edilməsindən 30 il ötür

30 illiyini qeyd edən Azərbaycan enerjisinin ötən ilinə baxış

Türkiyə ərazisi ilə 31 milyon barelə yaxın BTC nefti nəql olunub

Türkiyə ərazisi ilə 4 ayda 64 milyon bareldən çox BTC nefti nəql olunub