Venesuelada iyunun 24-də baş vermiş iki güclü zəlzələdən sonra axtarış-xilasetmə işləri davam edir. Son məlumata görə, təbii fəlakət nəticəsində həlak olanların sayı 1450-yə, yaralananların sayı isə 3150-yə yüksəlib.

BAKU.WS xarici KİV-ə istinadən xəbər verir ki, ölkə rəhbərinin səlahiyyətlərini icra edən Delsi Rodriges videomüraciətində bildirib ki, ən çox zərər görən La Quayra ştatında əsas xidmətlərin bərpası istiqamətində işlər davam etdirilir. Onun sözlərinə görə, hazırda elektrik şəbəkəsinin 75 faizi, su təchizatının 68 faizi və avtomobil yollarının 90 faizi bərpa olunub.

Rodriges qeyd edib ki, bazar günü də dağıntılar altından sağ çıxarılan şəxslər olub. Bu səbəbdən axtarış-xilasetmə əməliyyatları dayandırılmayacaq və xilasedicilər işlərini davam etdirəcəklər.

Xarici KİV-in məlumatına görə, zəlzələdən sonra evlərini itirən sakinlərin yerləşdirilməsi üçün müvəqqəti düşərgələr yaradılıb. Eyni zamanda, zədələnmiş yaşayış binalarında təhlükəsizlik qiymətləndirmələri aparılır.

Bundan başqa, ABŞ, Kanada, Braziliya, Meksika, Almaniya və digər ölkələr Venesuelaya xilasetmə qrupları və humanitar yardım göndəriblər.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Balıkesirdəki zəlzələ zamanı 25 bina zərər görüb

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN