Azərbaycan Mərkəzi Bankının (AMB) Strategiya və layihə idarəolunması departamentinin direktoru Fuad Cəfərov Almaniya Mərkəzi Bankının (Bundesbank) təşkil etdiyi Strategiya və innovasiya üzrə ekspert panelində iştirak edib.

"Report" bu barədə AMB-yə istinadən xəbər verir.

Məlumata görə, o, maliyyə sektorunun transformasiyasına yönəlmiş "2024–2026-cı illər üzrə maliyyə sektorunun inkişaf Strategiyası"nın hazırlanması və icrası sahəsində AMB-nin təcrübəsini iştirakçılarla bölüşüb. O, Strategiyada qeyd olunan prioritetlər və məqsədlərin maliyyə inklüzivliyinin genişləndirilməsi, maliyyə xidmətlərinin əhatəliliyinin artırılması və maliyyə alətlərinin şaxәlәndirilməsindəki rolundan danışıb. Direktor Strategiyanın maliyyə sektorunda sәmәrәliliyin yüksəldilməsi, korporativ idarәetmәnin tətbiqi, eləcə də şәffaflıq və dayanıqlılığının gücləndirilməsini hədəflədiyini bildirib.

Bir sıra mərkəzi bankların nümayəndələrinin qatıldığı tədbirdə strateji idarəetmə, rəqəmsal transformasiya, süni intellekt texnologiyalarının idarəetmədə tətbiqi, layihə və proqram portfellərinin idarə olunması, eləcə də təşkilati inkişaf istiqamətlərində qabaqcıl beynəlxalq təcrübələr və müasir yanaşmalar müzakirə edilib. Panel strategiya və innovasiya istiqamətlərində qabaqcıl təcrübələrin paylaşılması, peşəkar dialoqun genişləndirilməsi və mərkəzi banklar arasında əməkdaşlığın möhkəmləndirilməsi üçün mühüm platforma olub.

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub

Azərbaycanın maliyyə sektoru 2024-cü ildə - İCMAL

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Qırğızıstan həmkarlar ittifaqlarının nümayəndələri Azərbaycan təcrübəsini öyrənmək üçün AHİK-də olublar