Ermənistanın Konstitusiya Məhkəməsi müxalifətin 7 iyun parlament seçkilərinin yekunlarının şikayət edilməsi ilə bağlı iddialarını rədd edib.

"Far.Az" xəbər verir ki, bu barədə Ermənistan mediası məlumat yayıb.

Qeyd olunur ki, məhkəmənin qərarı ilə Ermənistan Mərkəzi Seçki Komissiyasının (MSK) səsvermənin nəticələri barədə qərarı qüvvədə qalır. Dəqiqləşdirilir ki, işə baxılması altı gün davam edib və təxminən 50 saat məhkəmə iclası çəkib.

Xatırladaq ki, seçkilərin nəticələrini ləğv etmək və ya ikinci tur təyin etmək tələbi ilə "Güclü Ermənistan" və "Ermənistan" blokları, həmçinin "Yeni güc", "Respublika naminə", "Çiçəklənən Ermənistan", "Birlik qanadları" və "Demokratiya, qanun, nizam-intizam" partiyaları müraciət edib. Onlar təkid edirdilər ki, seçkilər zamanı sistemli və kütləvi pozuntulara yol verilib.

İyunun 7-də Ermənistanda parlament seçkiləri keçirilib. Bülletenlərin 100%-nin hesablanması yekunlarına görə, Paşinyanın "Mülki müqavilə" partiyası seçicilərin 49,83% səsini toplayıb ki, bu da ona təkbaşına hökumət formalaşdırmaq hüququ verir.

Oxşar xəbərlər

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

Milli Məclisə seçkilərdə lider namizədlərin adları açıqlanıb - YENİLƏNİB

Konstitusiya Məhkəməsi parlament seçkilərinin nəticəsini təsdiqləyib – YENİLƏNİB - 4

VII çağırış Milli Məclisin deputatları - SİYAHI

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2