İranın xarici işlər naziri Abbas Əraqçi Livanın "Hizbullah" qruplaşmasının nümayəndəsi Məhəmməd Fənişin rəhbərlik etdiyi nümayəndə heyəti ilə görüşüb.

"Report" xəbər verir ki, bu barədə A. Əraqçi özünün "Telegram" kanalında məlumat yayıb.

Söhbət zamanı ABŞ-İran danışıqları müzakirə olunub və "Hizbullah" liderlərindən sayılan Fəniş İsrailin Livana hücumlarına qarşı çıxdığına görə İrana təşəkkür edib.

Əraqçi xatırladıb ki, İslamabad anlaşma memorandumunun 1-ci bəndinə uyğun olaraq, Livanda müharibənin sona çatması istiqamətində işlər davam etdirilir.

İranın XİN rəhbəri Tehranda HƏMAS-ın Şura sədri Məhəmməd Daruş və bu hərəkatın bir sıra üzvləri ilə də görüşüb. HƏMAS nümayəndə heyətinin üzvləri Qəzza zolağındakı vəziyyət barədə Əraqçini məlumatlandırıblar. Əraqçi İranın fələstinlilərin öz müqəddəratını təyin etmək hüququna nail olana və dövlət yaradılana qədər Fələstini dəstəkləyəcəyini vurğulayıb.

A. Əraqçi həmçinin Fələstin müqavimət qruplarının nümayəndələri ilə görüşüb. Fələstin Xalq Qurtuluş Cəbhəsinin (FXQC) baş katibi Təlal Naci və onun müavini Cəmil Məzhər İsrailin İordan çayının Qərb sahilində apardığı siyasət barədə bəhs ediblər.

Oxşar xəbərlər

Anar Ələkbərov "44" bədii filminin çəkilişlərinin başa çatması barədə paylaşım edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Dövlət Komitəsinin sədri ABŞ-nin Etnik Anlaşma Fondunun nümayəndə heyəti ilə görüşüb