Norveç millisinin hücumçusu Erlinq Holann DÇ-2026-nın bombardirlər siyahısında liderlər sırasına yüksəlib.

"Report" xəbər verir ki, 25 yaşlı futbolçu Braziliya yığmasına qarşı keçirilən 1/8 final oyununda dubla imza ataraq komandasının 2:1 hesablı qələbəsində əsas pay sahibi olub. Bununla da Holann turnirdə vurduğu qolların sayını 7-yə çatdırıb.

Norveçli forvard bu göstərici ilə Fransa millisinin futbolçusu Kilian Mbappe və Argentinanın kapitanı Lionel Messi ilə birlikdə bombardirlər siyahısına başçılıq edir. Bununla belə, Argentina seçməsi 1/8 final mərhələsindəki oyununu hələ keçirməyib.

Qeyd edək ki, bu, Erlinq Holannın karyerasında ilk dünya çempionatıdır. Norveç millisi isə 1998-ci ildən sonra ilk dəfə mundialın final mərhələsində iştirak edir. Komanda 1/4 finalda Meksika – İngiltərə cütünün qalibi ilə üz-üzə gələcək.

Oxşar xəbərlər

DÇ-2026-nın ən böyük ulduzları: Ronaldo, Messi, Mbappe və digərləri

Braziliya, Polşa, Çin, Nepal, Hindistan, BƏƏ, Fransa və Tunis vətəndaşları Azərbaycana təxliyə olunub

DÇ-2026: Erlinq Holannın vurduğu qol Norveçi tarixində ilk dəfə 1/8 finala çıxarıb - YENİLƏNİB-6

Mundiallar tarixinə ekskurs: 1930-cu ildən başlayan möhtəşəm futbol bayramları - ARAŞDIRMA

Azərbaycan millisi "FIFA Series - 2026" turnirinin qalibi olub - YENİLƏNİB-6