Serbiyanın Respublika Seçki Komissiyası (RSK) təkrar səsvermədən sonra parlament seçkilərinin yekun nəticələrini açıqlayıb.

"Report" qurumun məlumatlarına istinadən xəbər verir ki, "Tələbə siyahısı" səslərin 53,01 faizini qazanıb.

Keçmiş prezident Aleksandr Vuçiçin rəhbərlik etdiyi "Vahid Serbiya" koalisiyası isə 38,98 faiz səs toplayıb. Digər partiyalar 3 faizlik baryeri keçə bilməyiblər.

RSK-nın saytında yayılan məlumatda bildirilib ki, 53 seçki məntəqəsində təkrar səsvermə keçirildikdən sonra Serbiyada növbədənkənar parlament seçkiləri üzrə 8 392 seçki məntəqəsinin hamısının nəticələri açıqlanıb.

İlkin hesablamalara əsasən, 250 yerlik birpalatalı parlamentdə "Tələbə siyahısı" 141, hakim Serb Tərəqqi Partiyası (STP) ətrafında formalaşan Vuçiç koalisiyası isə 103 mandat əldə edəcək.

Oxşar xəbərlər

Milli Məclisə seçkilərdə lider namizədlərin adları açıqlanıb - YENİLƏNİB

Nazirlik bu yanacaqdoldurma məntəqəsinin fəaliyyətini dayandırdı

Avropada iki seçki – keçmişlə vidalaşan Serbiya, yenilənməyən Bolqarıstan

Sosioloji Tədqiqatlar Mərkəzi növbədənkənar parlament seçkilərində “exit-poll”un nəticələrini açıqlayıb

Macarıstanda parlament seçkiləri başa çatıb, səslərin sayılmasına başlanılıb - YENİLƏNİB-5